30 ഓഗസ്റ്റ് 2022

14:29

ഓണാഘോഷങ്ങളുടെ ഭാഗമായി കേരള സെക്രട്ടേറിയറ്റ് എംപ്ലോയീസ് അസോസിയേഷന്‍ കായികവിഭാഗമായ 'സ്പോര്‍ട്സ്’ സെക്രട്ടേറിയറ്റിലെ വനിതാ ജീവനക്കാര്‍ക്കായി നടത്തിയ ആവേശകരമായ വടംവലിയില്‍ അനക്സ് I മേഖല വിജയികളായി. അതിവാശിയേറിയ ഫൈനല്‍ മത്സരത്തില്‍ അനക്സ് II മേഖലയെ പരാജയപ്പെടുത്തിയാണ് വിജയികളായത്. വിജയികള്‍ക്കും റണ്ണറപ്പിനും സംഘടനാ ജനറല്‍ സെക്രട്ടറി സ. കെ.എന്‍. അശോക് കുമാറും സമ്മാനം വിതരണം ചെയ്തു. ഉച്ചഭക്ഷണത്തിനുള്ള വിശ്രമവേളയിലാണ് മത്സരങ്ങള്‍ നടന്നത്. നോക്കൗട്ട് രീതിയില്‍ മുന്‍കൂട്ടി നിശ്ചയിച്ച ഫിക്സ്ചറിന്റെ അടിസ്ഥാനത്തില്‍ സംഘടിപ്പിച്ച മത്സരങ്ങളില്‍ സംഘടനയുടെ 7 മേഖലകളില്‍ നിന്നുള്ള ടീമുകള്‍ മാറ്റുരച്ചു.