KSEA - 47-മത് വാർഷിക സമ്മേളനം (വെർച്വൽ)

കേരള സെക്രട്ടേറിയറ്റ് എംപ്ലോയീസ് അസോസിയേഷന്റെ 47 മത് വാർഷിക സമ്മേളനം 2021 ഫെബ്രുവരി 20 ന് നടത്താൻ തീരുമാനിച്ചിരിക്കുകയാണ്. കോവിഡ് മഹാമാരിയെ തുടർന്ന് വൈകിയ വേളയിലാണ് സമ്മേളനം നടക്കുന്നത്. എ കെ ജി ഹാളിലും ഹസ്സൻ മരക്കാർ ഹാളിലുമായി കോവിഡ് മാനദണ്ഡം പാലിച്ചു കൊണ്ട് നടക്കുന്ന വെർച്വൽ സമ്മേളനം സ: കോടിയേരി ബാലകൃഷ്ണൻ ഉദ്ഘാടനം ചെയ്തു സംസാരിക്കും. സമ്മേളന പങ്കാളിത്തം മുൻകൂട്ടി തീരുമാനിച്ച വേദികളിലായി കൗൺസിൽ അംഗങ്ങൾക്കു മാത്രമായി പരിമിതപ്പെടുത്തിയിട്ടുണ്ട്. പ്രസ്തുത സമ്മേളനത്തിന്റെ വിജയത്തിനായി ഏവരുടെയും സഹകരണം അഭ്യർത്ഥിക്കുന്നു.

ഒരായിരം അഭിവാദ്യങ്ങൾ !!

29.01.2021 ന് നടന്ന സെക്രട്ടേറിയറ്റ് കാന്റീൻ മാനേജ്‍മെന്റ് കമ്മിറ്റി തെരഞ്ഞെടുപ്പിൽ അഴിമതിയും കൊള്ളയും കൈമുതലാക്കിയ എതിരാളികളുടെ പാനലിനെ ബഹുദൂരം പിന്തള്ളിയാണ് ജീവനക്കാർ സംരക്ഷണ മുന്നണിയെ അംഗീകരിച്ചത്. കാന്റീൻ ഭരണ സമിതി തെരെഞ്ഞെടുപ്പിൽ സംരക്ഷണ മുന്നണിയെ വോട്ട് ചെയ്ത് വിജയിപ്പിച്ച മുഴുവൻ ജീവനക്കാർക്കും ഊഷ്മളമായ അഭിവാദ്യങ്ങൾ അർപ്പിക്കുന്നു.

ഓൺലൈൻ വിദ്യാഭ്യാസത്തിനായി 50 ടി.വി. സെറ്റുകൾ

കേരള സെക്രട്ടേറിയറ്റ് എംപ്ലോയീസ് അസോസിയേഷൻ ഓൺലൈൻ വിദ്യാഭ്യാസത്തിനായി നൽകുന്ന 50 ടി.വി. സെറ്റുകൾ [ഫിലിപ്സ് 32 ഇഞ്ച്] ജനറൽ സെക്രട്ടറി സ.കെ.എൻ. അശോക് കുമാർ, അസോസിയേഷൻ പ്രസിഡൻ്റ് സ. പി. ഹണി, എന്നിവരിൽ നിന്നും ബഹു.വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് ഏറ്റുവാങ്ങുന്നു..